Որոշ դեպքերում, եթե ձեր մատների մեջ տհաճ քոր է զգացվում, դուք պետք է անհապաղ խորհրդակցեք բժշկի հետ, ասել է Քլիվլենդի կլինիկայի նյարդաբան Քերի Լևինը: Նյարդաբան Լևինը զգուշացրել է, որ մատների տհաճ քորը կարող է առաջանալ որպես մի շարք առողջական խնդիրների ախտանիշ։ Այս մասին՝ վկայակոչելով Fox News-ում բժշկի հետ տված հարցազրույցը։
Օրվա աստղագուշակ
Մասնագետն այս սենսացիայի ամենատարածված պատճառն անվանել է կարպալ թունելի համախտանիշ, որի առաջացումը պայմանավորված է դաստակով անցնող ձեռքի նյարդի բորբոքմամբ։
Նման բորբոքումը կարող է լինել վարակի բարդություն, կամ այն տեղի է ունենում այն մարդկանց մոտ, ովքեր օրվա ընթացքում ախտահարված ձեռքով կրկնակի շարժումներ են անում: Բորբոքված նյարդը ուռչում է, ինչը ճնշում է ստեղծում կարպալ թունելի ներսում. դրա հետևանքն են դաստակի, ձեռքի, մատների տարբեր տհաճ զգացումներ (ցավից մինչև թմրություն): Քորի մեկ այլ հնարավոր պատճառ է B վիտամինների (օրինակ՝ B12 կամ B6), ինչպես նաև E վիտամինի պակասը:
«Վատ վերահսկվող շաքարային դիաբետը, Լայմի հիվանդությունը կարող են նաև մատների քոր առաջացնել», — ավելացրել է բժիշկ Լևինը: Երբեմն, մասնագետի խոսքով, մատների տհաճ զգացումը կարող է վկայել շատ լուրջ նյարդաբանական խանգարումների մասին, որոնք շտապ հետազոտություն են պահանջում։
«Անհրաժեշտ է բժշկի դիմել, եթե ձեր ձեռքերում ցավը, թմրածությունը և քորոցը չեն անհետանում և ուժեղանում են, երբ հազում եք, լարում եք ձեր պարանոցն ու ձեռքերը», — խորհուրդ է տվել մասնագետը:
