Ոտքերի ջղաձգումներն ու մկանների սպազմը բավական ցավոտ են և կարող են լրջորեն ազդել կյանքի որակի վրա, հատկապես, եթե նկատվում են գիշերային ժամերին։ Մկանային ջղաձգումների դեպքում մարդիկ ուժեղ սպազմ են զգում և ցավ մկանների կրճատման պահին։ Դրանք երբեմն կապված են շարժումների հետ, իսկ երբեմն հայտնվում են առանց ակնհայտ պատճառի։
Օրվա աստղագուշակ
Ոտքերի ջղաձգումները կարող են պայմանավորված լինել մի խումբ պատճառներով, այդ թվում.• դեհիդրադացիա
• հղիություն
• հիպոթիրեոզ
• ոտքերի մկանների հյուծում
• երկար ժամանակով նույն դիրքում մնալը՝ կանգնած կամ նստած
• սնուցման անբավարարություն
• դիաբետ
• ալկոհոլի և ծխախոտի չարաշահում
• դեղամիջոցներ։
Ջղաձգումները կանխարգելելու համար հարկավոր է պարբերաբար թուլացնել մկանները քնելուց առաջ կամ անշարժ հեծանվի վրա դրանք աշխատեցնել 10 րոպե։ Երբ մկանը թուլանա, կզգաք արդյունքը։ Սպորտային ըմպելիքների օգտագործումը ևս կարող է օգնել կանխարգելել խնդիրը։
Մեծ քանակով սուրճի, ալկոհոլի կամ գազավորված ըմպելիքի օգտագործումը կարող է ջրազրկել օրգանիզմը, մեծացնել ջղաձգումների հավանականությունը։ Եթե ջղաձգման հետևանքով արթնացել եք գիշերային ժամին, փորձեք ցավող հատվածը մերսել 10-15 րոպե։ Ցանկացած միջոց օգտագործելուց առաջ պարտադիր է խորհրդակցել բժշկի հետ։
