Շատերը սիրում են իրենց օրը սկսել մեկ գավաթ տաք սուրճով:
Օրվա աստղագուշակ
Ո՞ր ժամին է ճիշտ խմել այն
Առավոտը լավ է մեկ գավաթ սուրճ խմելը, եթե կա մեկ կարևոր պայման. այդ ըմպելիքը կարող է օգտագործվել միայն սննդի հետ կամ ուտելուց հետո, հակառակ դեպքում այն կարող է վնասակար լինել ստամոքսի համար, բացատրել է սննդաբանը:
«Սուրճը խթանում է աղաթթվի արտադրությունը: Եթե սուրճը խմում եք դատարկ ստամոքսին, ստամոքսահյութի արտադրություն է սկսվում՝ սնունդը մարսելու համար, բայց սնունդ չկա: Ստամոքս -աղիքային համակարգի խնդիրներ ունեցող, ստամոքսի բարձր թթվայնությամբ մարդկանց մոտ, հատկապես գաստրիտի դեպքում, դա կարող է առաջացնել ցավ, անհանգստություն, այրոց», – զգուշացրել է Լիզունը:
Օրվա ընթացքում սուրճը չպետք է փոխարինի ճաշին, քանի որ այդ ըմպելիքը չի պարունակում մարդու համար անհրաժեշտ սննդարար նյութեր: Բայց դա կարող է լավ նախուտեստ լինել, – ասել է սննդաբանը:
«Սուրճը կարող է նախուտեստի տարբերակ լինել։ Մենք կբթացնենք քաղցը: Բայց հիմնական կերակուրը պետք է հավասարակշռված լինի ՝ սպիտակուցներով, ճարպերով, ածխաջրերով և վիտամիններով», – ասում է Իրինա Լիզունը:
Ոմանց սուրճը նկատելիորեն աշխուժացնում է, ուստի այն չպետք է երեկոյան խմեն քնի խնդիրներ ունեցողները, – ավելացրել է նա:
«Սուրճը խթանող ազդեցություն ունի, ուստի խորհուրդ չի տրվում այն խմել քնելուց երեքից չորս ժամ առաջ: Անհանգիստ, քնի խանգարումներով մարդկանց համար սուրճ կարելի է խմել միայն առավոտյան», – եզրափակել է բժիշկը:
