Դուք կկարողանաք շատ ավելի հազվադեպ այցելել բժիշկներին, եթե ամեն օր մեկ խնձոր ուտեք։ Նման կարծիք է հայտնել սննդաբան Մայքլ Մոսլին, գրում է Daily Mirror-ը։
Օրվա աստղագուշակ
Մոսլին խնձորն անվանել է մատչելի, բազմակողմանի առողջարար սնունդ: Նա պարզաբանել է, որ այս միրգն օգնում է աղիների աշխատանքին, օրգանիզմին ապահովում վիտամիններով և սննդանյութերով, օգնում է վերահսկել խոլեստերինի մակարդակը, ինչպես նաև նվազեցնում է շաքարախտի առաջացման վտանգը։
Խնձորը հարուստ է պեկտինով, որը լավացնում է աղիների աշխատանքն ու մաքրում է դրանք, պարունակում է Е, В, А, С վիտամիններ։ Այն հարուստ է նաև միներալներով, որոնց շարքում են կալցիումը, մագնիումը, երկաթը, ցինկը, քլորը, ծծումբը, պղինձը։
Խնձորի կալորիականությունը կախված է դրա տեսակից։ Միջինում կարմիր խնձորի էներգետիկ արժեքը 47 Կկալ է, իսկ կանաչինը՝ մոտ 35 Կկալ։ Դիետաների ժամանակ հենց կանաչ խնձորն է խորհուրդ տրվում ուտել։
Բացի այդ, սննդաբանի խոսքով, խնձորը նպաստում է ազոտի օքսիդի արտադրությանը, որը պայքարում է բորբոքման դեմ, նորմալացնում է արյան ճնշումը և բարենպաստ միջավայր է ստեղծում օրգանիզմում օգտակար բակտերիաների համար։
Մոսլին խորհուրդ է տվել ամեն օր խնձոր ուտել որպես աղանդերի փոխարեն: Նա համոզված է, որ նման սովորությունը կօգնի ձեզ ավելի քիչ հիվանդանալ, ավելի լավ զգալ և, ի վերջո, ավելի երկար ապրել։
ՄԱՆՐԱՄԱՍՆԵՐԸ՝
