ՈՒՇԱԳՐԱՎ ՄԱՆՐԱՄԱՍՆԵՐ. Քաղցկեղից մահացած դերասանուհի Լուսինե Ղարիբյանը սերիալում քաղցկեղով հիվանդի դերն էր խաղում. ՏԵՍԱՆՅՈՒԹ

43 տարեկանում կյանքից հեռացած դերասանուհի Լուսինե Ղարիբյանը«Երկրորդ կյանք» կոչվող սերիալում քաղցկեղով հիվանդ կնոջ դերն էր մարմնավորում։ Սերիալը նկարահանվել է երկու տարի առաջ։


Օրվա աստղագուշակ


«Ես այդ դերին համաձայնեցի մի պայմանով, ասացի՝ ես վերջում պետք է անպայման ապաքինվեմ։ Ասացին՝ խնդիր չկա։ Ասեցի՝ այնպես չլինի, որ ես վերջում մահանամ։ Միստիկա է, բայց հավատում եմ մի փոքր։ Դերասանները ոնց որ իրենց կերպարների կառման վերցնում են։ «Անուրջներ»-ում որպես կերպար ես քաղցկեղով հիվանդացել եմ, ու հետո այսպես…»,-«Ամերիկայի ձայն»-ին օրեր առաջ տված հարցազրույցում պատմել է դերասանուհին։

Լուսինե Ղարիբյանն իր հիվանդության մասին իմացել է 7 տարի առաջ։ Մասնագիտությամբ դերասանուհի Լուսինեն ինքնուս նաև հրուշակեղենի արտադրությամբ էր զբաղվում։ Հիվանդության հետևանքով անկողնում հայտնվելուց հետո սկսեց նկարել ու բամբակից խաղալիքներ պատրաստել։

«Երբ պետք է արդեն ոտքի կանգնեի, հիվանդացա։ Արդեն վեց տարի է՝ բուժվում եմ։ Մարդը չի կարող պլանավորել իր ապագան»,-հարցազրույցում ասել է նա։

Դերասանուհին երկու տղա ունի, երեխաներին միայնակ է մեծացրել։ Կրտսեր որդին մի քանի օրական էր, երբ ամուսինը լքեց ընտանիքը։

«Իմ անձնական, ընտանեկան կյանքը շատ ծանր է եղել, ես անընդհատ սթրեսների մեջ եմ եղել։ Արդյունքը սա է»,-պատմել է Լուսինե Ղարիբյանը։

ՄԱՆՐԱՄԱՍՆԵՐԸ՝


 

 

Կիսվել սոց․ ցանցերում ՝
Goodblog - Ժամանցային բլոգ